ფრაზიდან – ფრაზამდე - ლექსები სიყვარულზე - ლექსები - მთავარი

ფრაზიდან ფრაზამდე ისე გადავდივარ,
ბგერიდან ბგერამდე შენს სახელს ვღიღინებ.
წვიმიდან თეთრ თოვლში ისე გავდივარ,
ყვითელი ფერიდან, შიგ ზღვაში ჩავდივარ.

დილიდან ღამემდე ცარიელ ქალაქში,
დავდივარ ქუჩიდან უცნობ უბნამდე.
ფოთლიდან ფოთლამდე, სახლიდან სახლამდე,
ყოველდღე, ყოველწამს, ცარიელ ქუჩაში.

ფრაზიდან სიტყვამდე მუდამ ვღიღინებ,
ნაჩუქარ მუსიკას შენიდან ჩემამდე.
დავდივარ ქუჩიდან უცნობ უბნამდე,
ფოთლიდან ფოთლამდე, სახლიდან სახლამდე.

სიტყვიდან სულამდე იძვრის ოცნება.
გულიდან ტვინამდე ადის სისხლდენა.
ბგერიდან ბგერამდე, სიტყვიდან სიტყვამდე,
ქარიდან ღრუბლამდე, წვიმიდან სეტყვამდე.

ფიქრებში იმდნად მოვდივარ შენამდე,
ზამთრიდან თოვლამდე, თოვლიდან კვირტამდე.
ფრაზიდან ფრაზამდე. ბგერიდან ბგერამდე.
ყვითელი ფერიდან შიგ ზღვაში ჩავდივარ.